02 Feb 懷疑騙局
背景 話說我我另一個賣野嘅網站，但係由於最近兩年都係喺學校工作，所以都唔得閒更新個網站(賣緊嘅野都仲可以買到嘅)，大多數時間都係擺咗喺度又冇咩update 過～ 或者之前做幫哩個網站做咗少少SEO 嘢所以依家Keep 住都有人入黎睇，同埋比網站用嘅電話都仲用到、仲用黎o係Toby pro 度接freelance做下。兩星期前嘅星期三我番緊工，收到個電話，以為個客覆我報價啦～ 點知唔係。有個自稱屯官中帶有口音嘅訓導主任話喺網上搵到我個網站想買口罩疫情都過咗成年仲訂口罩？！咁我話冇賣啦～ 屯訓：咁仲有咩賣？ 我： 依家冇賣產品啦，做設計為主（其實我想快啲收線） 屯訓：我地學校有需要喎，約個時間傾下啦 我： 我得星期六下晝方便咋 屯訓： 咁就上你公司傾啦 我： 不如我去屯官搵你啦～ 反正入開去 （如是者～ 收咗線，放工番屋企準備PPT ) 翌日 （星期四） 屯訓：識唔識人賣床墊？ 我： 我唔識丫～ 亦都唔打算做 屯訓：我好急丫～ 校長同供應商反面，我地聽日有公益活動送去老人院 我：咁丫～ 幫你試下問下有冇人識哩的啦（番緊工根本唔想答佢，直到食飯先搵番佢，部電話就快震到冇電） 我上網查過，有觀塘有間專賣哩啲嘅，唔貴嘅，你打去問下啦，佢地應該幫到你 屯訓：我比校長個供應商你幫我搵佢啦，要50張，$2300 我：試下啦（真係好煩，但又唔想得失人，免為其難啦） 供應商：有貨丫～ 依家咁岩做緊促銷，所以$1800 一張，15:00 前可以安排到翌日12:00前到。我：好啦～ 屯訓，我幫你問咗啦～ 有貨$1800張，你可以自己去搵佢啦，但係記得用你個人名義去買，唔好比佢地知喎屯訓：咁平？！ 你幫我啦～ 我可以叫會計開票比你我： 唔好啦～ 我比埋原價你就知我唔想做，畢竟我又唔熟哩啲。 唔好意思～ 屯訓我忙緊晏啲再打比你（心諗：官校過咗$50000 要招標架喎，可以叫會計開票？ 中學唔同啲？）（屯訓不停打比我，但我部電話放咗嗰個位度冇拎，所以好多未接來電）我：（禮貌上打番比佢）屯訓搵我咩事？屯訓：老闆我地真係好急，校長話可以每張墊加多$100 即係$2400一張，我地可以入咗錢比你先架，你知啦～ 校長得罪咗供應商唔方便出面，到時送去學校隔離停車場就得架啦我：你搵你啲朋友都可以架～ 我真係唔想接呢～屯訓：你聽我口音就知啦～ 我香港冇朋友嘛我：校長一定有，同你校長講啦！ （唔好再煩我，跟住收線)收線後兩日冇打比我，星期六又約咗佢喺屯官，於是乎我打去屯官問啦～ 發現冇哩個人存在同冇哩個活動哩個故事教瞓凡事要FACK...